|
|
 
Our news can be syndicated by using these rss feeds.    |
 လက်ဝှေ့ မြန်မာ့ လက်ရွေးစင် ရွှေကျားတင်မောင်
ကာယဆရာအဖြစ် တာဝန်ထမ်းဆောင်ရင်း အင်္ဂလိပ်လက်ဝှေ့ကို ထူးချွန်စွာထိုးသတ်ခဲ့၍ မြန်မာပြည် ချန်ပီယံဆုများဆွတ်ခူးရရှိခဲ့သည်။
၁၉၅၈-၁၉၆၁-၁၉၆၂-၁၉၆၄ (၄)နှစ် ဆက်တိုက် “လိုက်ဝေါ်လ်တာဝိတ်” တန်း မြန်မာပြည်ချန်ပီယံဆုဆွတ်ခူးခဲ့၍ လက်ဝှေ့အဖွဲ့ချုပ်မှ ရွှေကျားတင်မောင်ကို ရွှေစင်ရုပ်ဆု အပိုင်ချီးမြှင့်ခဲ့သည်။ ဆရာကျားဘညိမ်း၊ ရှူးဂါး မဂျစ် (ဆေးကျောင်း)၊ လှညွန့်(ရေတပ်)၊ သန်းထွန်း (မန္တလေး)တို့လည်း ယင်းဆုရရှိခဲ့သည်။ ဒုတိယအကြိမ် အရှေ့တောင်အာရှပွဲတွင် “လိုက်ဝေါ်တာဝိတ်တန်း” ၌ ရွှေတံဆိပ်ဆု ဆွတ်ခူးရရှိခဲ့သည်။ မြန်မာ့လက်ရွေးစင်အဖြစ် ပါကစ္စတန်၊ ယိုးဒယား၊ ကမ္ဘောဒီးယားလက်ဝှေ့ပွဲများတွင် အရွေးချယ်ခံခဲ့ရသည်။ ၁၉၆၄ ခု၌ ဆရာဖြစ်သူကျားဘညိမ်း ရန်ကုန်သို့ ပြောင်းရွေ့အမှုထမ်းသောကာလတွင် ရွှေကျားတင်မောင်သည် ရွှေကျားလက်ဝှေ့အသင်း၌ ကြီးကြပ်ကွပ်ကဲခဲ့သည်။ ရွှေကျားတင်မောင်သည် ၁၉၅၇-ခုနှစ်မှ ၁၉၉၃-ခုနှစ်အထိ မန္တလေးတိုင်းလက်ဝှေ့ ဆပ်ကော်မတီ-အတွင်းရေးမှူး၊ မြန်မာ့ဆိုရှယ်လစ်လမ်းစဉ်ပါတီခေတ်တွင် တရားသူကြီး၊ မန္တလေးတိုင်း ကျောင်းသားပွဲတော် ဘတ်စကက်ဘော အတွင်းရေးမှူး၊ မန္တလေးတိုင်း အ-သုံးလုံးကြေ အတွင်းရေးမှူး တာဝန်များ ထမ်းဆောင်ခဲ့သည်။ မြို့တော်ဝန် ဦးမြသောင်း၊ စည်ပင်အလုပ်ဝန်တို့က တာဝန်ပေး၍ ၁၉၅၇-ခုနှစ်မှစ၍ မန္တလေးတိုင်းအတွင်း မိုးကုတ်၊ ပျဉ်းမနား၊ ရမည်းသင်း၊ ပျော်ဘွယ်၊ မိတ္ထီလာမြို့များ၌ လက်ဝှေ့ပွဲများတာဝန်ယူ ကျင်းပပေးခဲ့သည်။ ရွှေကျားတင်မောင် မွေးထုတ်ခဲ့သော လက်ဝှေ့သမားများအနက် ဆီးဂိမ်းပြိုင်ပွဲ ငွေတံဆိပ်ဆုရ ဇော်မျိုးမင်း၊ လူချော (ခေါ်) သန်းဇော်ထွေး၊ မန္တလေး အား/ကာသိပ္ပံမှ ကိုမျိုးနှင့် စည်သူတို့ ပါဝင်လေသည်။ ရွှေကျားတင်မောင်သည် ပထမဇနီး ဒေါ်တီမာ (ခေါ်) ဒေါ်မမလေးမှ သားသမီး(၉) ဦး ထွန်းကားပြီး ၄င်းဇနီး ၁၉၉၅-ခုတွင် ကွယ်လွန်သည်။ ဒုတိယဇနီး ဒေါ်စိန်စိန်နှင့် သားသမီး (၅)ဦး ထွန်းကားသည်။ ၄င်းသည် ယခုအခါ မန္တလေးမြို့၊ စကြာနွယ်စဉ်ရပ်၊ ဆူးလေပလီဝင်း အရှေ့ပေါက်တွင် ဇနီး၊ သားသမီးများနှင့်အတူ နေထိုင်လျက်ရှိသည်။ ရွှေကျားဦးတင်မောင်သည် မြန်မာ့မီးရထားတွင် “ရထား/မန်း” အမည်ဖြင့်လည်းကောင်း၊ ကျောင်းပေါင်းစုံ လက်ဝှေ့ပွဲများ၊ တိုင်းအား/ကာ၊ မန္တလေးတိုင်း ပြည်ခိုင်ဖြိုး၊ ရွှေကျားလက်ဝှေ့အသင်းတို့ကို ဦးဆောင်၍ လက်ဝှေ့နည်းပြတာဝန် ထမ်းဆောင်လျက်ရှိရာ အမိမြန်မာနိုင်ငံ၏ ဂုဏ်ဆောင်မန္တလေး-မွတ်စလင်မ် လက်ဝှေ့အကျော်အမော် ကြယ်တစ်ပွင့်အဖြစ် ဂုဏ်ပြုဖော်ပြအပ်ပါသည်။ မန္တလေးမြို့လုံးဆိုင်ရာ မဟာတမန်တော်နေ့ စိန်ရတု မဂ္ဂဇင်း
|
Home
| Downloads
| Submit News
| Contact Us
| Forum
| 
သုတ/ရသ စာစုများ
| News
| LINK
| 
ကျော်ကြားသောမွတ်စလင်မ်များ
သုတ/ရသ စာစုများ
| News
| LINK
| ကျော်ကြားသောမွတ်စလင်မ်များ
