အိမ်ရှေ့စံ မင်းသား မုဟမ္မဒ် ဘင် ဆလ်မန် ဆိုသည်မှာ

MBS လို့ အရပ်ထဲမှာ သိတဲ့ မုဟမ္မဒ် ဘင် ဆလ်မန် ကို ၁၉၈၅ ခုနှစ် သြဂုတ်လ ၃၁ ရက်မှာ မွေးဖွားခဲ့ပါတယ်။
သူ့အမေ Fahda bint Falah bin Sultan bin Hathleen ဟာ အတ်ဂျမန် မျိုးနွယ်က မင်းသမီး တစ်ပါးဖြစ်ပြီး သူတို့မျိုးနွယ်ရဲ့ ခေါင်းဆောင်ကတော့ မင်းသမီးရဲ့အဖိုး Rakan bin Hathleen ဖြစ်ပါတယ်။

၂၀၀၈ ခုနှစ်မှာ ဘင်ဆလ်မန် ဟာ မင်းသမီး Sarah bint Mashhoor bin Abdulaziz Al Saud နဲ့လက်ထပ်ခဲ့ပြီး သားသမီး ၃ ဦးထွန်းကားခဲ့ပါတယ်။

သူ့ရဲ့ မူလတန်းပညာရေးကို မြို့တော် ရိယာဒ်က ကျောင်းမှာ သင်ကြားခဲ့ပြီး ဘုရင့်နိုင်ငံတော်က အထူးချွန်ဆုံး ကျောင်းသား ၁၀ ဦးအနက် တစ်ဦးအပါအဝင်ဖြစ်ခဲ့ပါတယ်။
သူဟာ ဘုရင်ဆအူဒ် တက္ကသိုလ် ကနေ ဥပဒေပညာ နဲ့ ဘွဲ့ရခဲ့ပြီး အတန်းထဲမှာ ဒုတိယအမြင့်ဆုံးအမှတ်ရရှိခဲ့ပါတယ်။
တက္ကသိုလ် ပညာ သင်ကြားနေစဉ် ကာလမှာ လေ့ကျင့်သင်ကြားမှု သင်တန်း များစွာကို ဘင်ဆလ်မန် တက်ရောက် ဆည်းပူးခဲ့ပါတယ်။

အသက်မွေးဝမ်းကျောင်း ဘဝ
——————————–
ဘွဲ့ရပြီးတော့ အစိုးရ ဝန်ထမ်းအဖြစ် ဝင်ရောက် ခြင်းမပြုမှီ စီးပွားရေးလုပ်ငန်း Firm တော်တော်များများမှာ ဝင်ရောက်လုပ်ခဲ့ပါတယ်။
သူဟာ ရိယာဒ် ပြိုင်ဆိုင်မှု ကောင်စီမှာ အထွေထွေ အတွင်းရေးမှုး အဖြစ် ၎င်း၊ ဘုရင် အဗ္ဗဒုလ် အဇီဇ် ဖေါင်ဒေးရှင်း ရဲ့ ဘုတ်အဖွဲ့ဝင် အတွက် အထူးအကြံပေးအဖြစ်၎င်း၊ အလ်ဘီးရ် လူမှု ဖွံ့ဖြိုးတိုးတက်ရေး အသင်းရဲ့ ဘဏ္ဍာရေး အဖွဲ့ဝင် အဖြစ်၎င်း တာဝန်ယူဆောင်ရွက်ခဲ့ပါတယ်။
သူ့ရဲ့ ပရဟိတ လုပ်ငန်းအစိတ်အပိုင်း တစ်ခု အဖြစ် သူဟာ MiSK ဖေါင်ဒေးရှင်းကို ထူထောင်ခဲ့ပါတယ်။
ဒီဖေါင်ဒေးရှင်းဟာ အမြတ်အစွန်း အတွက်မဟုတ်တဲ့ ဖေါင်ဒေးရှင်းဖြစ်ပြီး ဆအူဒီရဲ့ လူငယ်တွေ သင်ကြားမှုနဲ့ ခေါင်းဆောင်မှု ကဏ္ဍတွေကို ပျိုးထောင်ပေးဖို့ နဲ့ တိုင်းပြည်အတွင်း စီးပွားရေး လုပ်ငန်းများ ပေါ်ထွက်လာရေး အတွက် အစီအစဉ်များ အစပျိုးတည်ထောင်ပေးခြင်းများကို ပြုလုပ်ပေးခဲ့ပါတယ်။
MiSK ဖေါင်ဒေးရှင်းရဲ့ ဥက္ကဌ နေရာကနေ ဆအူဒီရဲ့ လူငယ်တွေနဲ့ သူတို့ရဲ့ ဖွံ့ဖြိုးတိုးတက်မှု အတွက် သူရဲ့ ထောက်ပံကူညီမှုကို အသိအမှတ်ပြုတဲ့ အနေနဲ့ အရှေ့အလယ်ပိုင်း Forbe ကသူကို့ ၂၀၁၃ နှစ်ရဲ့ ကိုယ်ကျင့်သိက္ခာဆိုင်ရာ ဆုကို ချီးမြင့်ပေးအပ်ခဲ့ပါတယ်။

နိုင်ငံရေး
———
၂၀၀၇ ခုနှစ်ကစပြီး ဝန်ကြီးအဖွဲ့ရဲ့ ကောင်စီကို အချိန်ပြည့် အကြံပေးအဖြစ် တာဝန်ထမ်းဆောင်ခြင်းဖြင့် သူရဲ့ နိုင်ငံရေး ခရီးကို စတင်လှမ်းခဲ့ပါတယ်။
၂၀၀၉ ခုနှစ်မှာတော့ အဲ့ဒီအချိန်က ရီယာဒ်မြို့ရဲ မြို့တော်ဝန်ဖြစ်တဲ့ သူ့ဖခင် ရဲ့ အထူးအကြံပေး အရာရှိဖြစ်လာခဲ့ပါတယ်။
၂၀၁၃ မတ်လအထိ သူဟာ ဆအူဒီ အစိုးရအဖွဲ့ ရဲ့ ကြွမ်းကြင်သူများ ကေ်ာမရှင် အဖွဲ့မှာ အချိန်ပိုင်း အကြံပေးအဖြစ် ဆက်လက်ထမ်းဆောင်ခဲ့ပါတယ်။
၂၀၁၅ ဇန္နဝါရီလ ၂၃ မှာ သူ့အဖေ နန်းတက်ပြီး သူ့ကို ကာကွယ်ရေး ဝန်ကြီး ရာထူး ချီးမြှင့်ခဲ့ပါတယ်။
အဲ့ဒီနှစ်မှာပဲ လက်ထောက် အိမ်ရှေ့စံအဖြစ်လည်း အပ်နှင်းခြင်းခံခဲ့ရပါတယ်။

သူ့ရဲ့ ထူးခြားတဲ့ လှုပ်ရှားမှုကတော့ ရာထူးခန့်အပ်ပြီး ၂ လအကြာမှာ ဆင်နွှဲခဲ့တဲ့ ယီမင်မှာ ရှိတဲ့ ဆအူဒီ ဦးဆောင်တဲ့ မဟာမိတ် အဖွဲ့က ဆင်နွှဲတဲ့ ဖျက်သိမ်းရေး မုန်တိုင်း စစ်ဆင်ရေးကို ဦးဆောင်ခဲ့တာပဲ ဖြစ်ပါတယ်။
ဒီစစ်ဆင်ရေး ဟာ ယီမင်မှာ ရှိတဲ့ အီရန်ကြောထောက်နောက်ခံပြုတဲ့ ဟွတ်သီ သူပုန်တွေကို အာရပ်စွန်နီ မွတ်စလင်မ် ၈ နိုင်ငံက ပေါင်းပြီး တိုက်တဲ့ စစ်ပွဲပဲဖြစ်ပါတယ်။

အိမ်ရှေ့မင်းသား အသစ် ဟာ ဒေသတွင်း ပြိုင်ဖက် အီရန် ရဲ့ သြဇာလွှမ်းမိုးမှု ကို တန်ပြန်ဖို့ ပိုမို အလွန့်အလွန် တက်ကြွတဲ့ နိုင်ငံခြားရေး မူဝါဒနဲ့ ဦးဆောင်လျက်ရှိပါတယ်။
ဒီရာထူး မရခင်ကတည်း က ဘင်ဆလ်မန်ဟာ သူ့အဖေရဲ့ ပုဂ္ဂိုလ်ရေး အကြံပေးအဖြစ် နှစ်ပေါင်းများစွာ ရှိနေခဲ့ပါတယ်။
ဘုရင်ဆလ်မန် အိမ်ရှေ့စံ မင်းသား ဖြစ်ကတည်းက သူ့အဖေရဲ့ တော်ဝင် တရားရေး အဖွဲ့ ရဲ့ ဥက္ကဌ ဖြစ်ခဲ့ပါတယ်။
အဲ့ဒီအချိန်က စပြီး သူဟာ သူ့ရဲ့ ပြောင်းလဲမှုတွေကို စတင် မိတ်ဆက်ခဲ့တာ ဖြစ်ပါတယ်။

သူ့ရဲ့လက်ရှိတာဝန်အပြင် မုဟမ္မဒ်ဘင်ဆလ်မန် ဟာ ဘုရင့်နိုင်ငံတော်ရဲ့ စီးပွားရေးကိစ္စတွေကို ခြုံငုံ သုံးသပ်ပြီး နောက်ဆုံး နိုင်ငံရဲ့ နိုင်ငံရေးနဲ့ လုံခြုံရေး ဆိုင်ရာမူဝါဒ တွေကိုပုံဖေါ်တဲ့ စီးပွားရေး နဲ့ ဖွံ့ဖြိုးတိုးတက်ရေး ကောင်စီကိုလည်း ဦးဆောင်လျက်ရှိနေပါတယ်။
နိုဝင်္ဘာ ၂၇ ရက်နေ့မှာတော့ ဝန်ကြီး ၄ ပါး၊ မင်းသား ၁၁ ပါး အပါအဝင် စီးပွားရေး စွန့်ဦးတီထွင်သူ နာမည်ကြီး များစွာဟာ MBS ရဲ့ အမိန့်နဲ့ ထိမ်းသိမ်းခြင်းခံခဲ့ရပါတယ်။
ဒါဟာ သူ့ရဲ့ တိုက်ရိုက်ပြိုင်ဖက်တွေကို ဦးတည်ဆောင်ရွက်တာ ဖြစ်ပေမဲ့လည်း ဘုရင့်နိုင်ငံတော်မှာ မင်းသားရဲ့ အင်အားကို တည်ဆောက်ခြင်းပဲဖြစ်ပါတယ်။

သူ့ရဲ့ အမြင်များ
—————–

၂၀၀၆ ဧပြီလမှာ တော့ ဆအူဒီ အာရေဗျ ရဲ့ အနာဂတ် အမြင်ဖြစ်တဲ့ ၂၀၃၀ စီမံကိန်းအမြင် ကို သူက စတင်မိတ်ဆက်ခဲ့ပါတယ်။
ဒီအမြင်ဟာ ဆအူဒီ အာရေဗျကို အာရဗ်နဲ့ အစ္စလာမ်မစ် ကမ္ဘာရဲ့ ဗဟို နှလုံးသား အဖြစ် ထားရှိဖို့ ရည်ရွယ်ပြီး တိုက်ကြီး ၃ ခုကို ဆက်သွယ်မဲ့ ဗဟိုဌာနကြီးတစ်ခု အဖြစ်၊ ရင်းနှီးမြှုပ်နှံရာ အင်အားကြီးအဆောက်အအုံ အဖြစ်လည်းကောင်း ပြုလုပ်သွားမှာ ဖြစ်ပါတယ်။

ပြုပြင်ပြောင်းလဲရေး ပဏာမခြေလှမ်းတွေ အဖြစ် ရေနံကို မှီခိုနေမှုတွေကို လျော့ချပြီး စီးပွားရေးကို လုပ်ငန်းမျိုးစုံ ပြုလုပ်ရန် နှင့် ပုဂ္ဂလိက ပိုင်များပြုလုပ်ဖို့ နည်းလမ်းတွေ ရှာဖွေလျက်ရှိပါတယ်။
၂၀၃၀ မှာတော့ ပဏာမ ရည်ရွယ်ချက် အဖြစ် အီး- ဂါးဗားမင့် ( အစိုးရ စနစ်တွေကို အီလက်ထရောနစ် စနစ်တွေအဖြစ်) ထူထောင်သွားဖို့ ရည်ရွယ်ထားပါတယ်။

မိသားစုတွေနဲ့ လူငယ်တွေအတွက် ဘုရင့်နိုင်ငံတော် အတွင်းမှာ ဖျော်ဖြေရေး အစီအစဉ်တွေ တိုးတက်ပြုလုပ်သွားဖို့ အခွင့်အလန်းတွေ ကိုလည်း ဖိတ်ခေါ်ထားပါတယ်။
ဘာသာရေး ရဲ တွေရဲ့ အင်အားကို လျော့ချသွားဖို့ အတွက် ဥပဒေဟာလဲ ဝန်ကြီးအဖွဲ့က အတည်ပြုပြီးဖြစ်ပါတယ်။
၂၀၁၆ ခုနှစ်မှာ ဖျော်ဖြေရေး အာဏာပိုင် အဖွဲ့ကိုလည်း ထူထောင်ပေးခဲ့ပြီးဖြစ်ပါတယ်။

ဘာသာရေးဆိုင်ရာ မူဝါဒတွေ တရားဝင်ချမှတ်ပြီး ၊တခါတလေ ဘာသာရေး ဆိုင်ရာ အမြင်တွေ ထုတ်ပြန်တဲ့ ဘုရင့် ကောင်စီက အထက်တန်း ပညာရှင်တွေက ဆန့်ကျင်ခဲ့ပေမဲ့
ရိုးရာ အစဉ်အလာတွေကို ကျော်ဖြတ်ဖို့ သူရဲ့ ကြိုးစားမှုအဖြစ် လူမှုကွန်ယက်တွေပေါ်မှာ တက်ကြွတဲ့ ဆအူဒီမွတ်စလင်မ် လူငယ် ပညာရှင်တွေကိုလည်း နေရာပေးခဲ့ပါတယ်။
————————————————————
Al Jazeera သတင်းဌာနပါ “Profile: Crown Prince Mohammed bin Salman” သတင်းကို နိုင်ဦး (Myanmar Muslim Media)က မြန်မာဘာသာသို့ ဆီလျော်အောင် ပြန်ဆိုသည်။