သုံးသွလာက် တရားမ၀င်ဟု အိန္ဒိယ အထူးတရားရုံးဆုံးဖြတ်

အန္ဒိယရဲ့ အမြင့်ဆုံးတရားရုံးက သွလာက်သုံးကြိမ်ရွတ်ဆိုမှုဟာ အစ္စလာမ့်နည်းကျ မဟုတ်ဘူးလို့ ကြေညာလိုက်ပါတယ်။ မွတ်စလင်အမျိုးသားတစ်ဦးက သူ့ဇနီးသည်ကို သုံးသွလာက်(ကွာရှင်းတယ်)လို့ သုံးကြိမ်ရွတ် ဆိုပြီးမိနစ်ပိုင်းအတွင်း ကွာရှင်းနိုင်တဲ့ လူတစ်ဆုပ်စာနိုင်ငံတွေထဲမှာ အိန္ဒိယလည်း အပါအ၀င်ဖြစ်ခဲ့ ပါတယ်။
သုံးသွလာက်ရိုးရာဓလေ့ကို ဆန့်ကျင်တဲ့ တောင်းဆိုလွှာတွေကို တုံ့ပြန်တဲ့အနေနဲ့ အထင်ကရ တရားရုံးရဲ့ ဆုံးဖြတ်ချက်ထွက်ပေါ်လာခဲ့တာဖြစ်ပါတယ်။ ဒီလိုနည်းနဲ့ကွာရှင်းခံခဲ့ရတဲ့ မွတ်စလင်အမျိုးသမီးငါးဦးနဲ့ လူ့အခွင့်အရေး အဖွဲ့နှစ်ဖွဲ့က တိုင်ကြားလာခဲ့တာဖြစ်ပါတယ်။ အမျိုးသမီးအခွင့်အရေး လှုပ်ရှားသူတွေက တရားရုံးရဲ့ဆုံးဖြတ်ချက်ဟာ သမိုင်းဝင်အောင်မြင်မှုပဲလို့ ချီးကျူးဂုဏ်ပြုခဲ့ကြပါတယ်။
အိန္ဒိယရဲ့မွတ်စလင်အမျိုးသားတွေဟာ သူတို့ရဲ့ဇနီးသည်တွေကို စာတွေ ဖုန်းတွေ မက်ဆေ့တွေကနေ သွလာက်သုံးကြိမ်ရွတ်ဆိုရေးသားပြီး ကွာရှင်းတဲ့အမှုတွေရှိခဲ့ပါတယ်။ အမျိုးသမီးတွေက ဒီဓလေ့ကိုဆန့်ကျင်ပြီး တရားရုံးကိုလျှောက်ထားတိုင်ကြားတဲ့ အမှုများစွာလည်းရှိခဲ့ပါတယ်။ သွလာက်သုံးကြိမ်ရွတ်ဆိုမှုဟာ ရှရီးယား အစ္စလာမ်မစ်ဥပဒေနဲ့ ကုရ်အာန်ကျမ်းမြတ်ထဲမှာလည်းထည့်သွင်းပြောကြားထားခြင်း မရှိပေမယ့်လည်း ဒီအလေ့အထဟာ ဆယ်စုနှစ်ပေါင်းများစွာ တည်မြဲနေခဲ့တာဖြစ်ပါတယ်။
ကွာရှင်းမှုနဲ့ပတ်သက်ပြီး ကုရ်အာန်ကျမ်းမြတ်ထဲမှာ ဘယ်လိုထုတ်ပြန်ထားလဲဆိုတာ အစ္စလာမ့်ပညာရှင်တွေက ရှင်းရှင်းလင်းလင်းဖော်ပြထားပါတယ်။ ကုရ်အာန်နည်းက ကွာရှင်းဖို့ သုံးလကျော် အချိန်ယူရမှာဖြစ်ပြီး ဇနီးမောင်နှံနှစ်ဦးပြန်လည် အဆင်ပြေစေနိုင်ဖို့ အချိန်ပေးခွင့်ပြုထားတာဖြစ်ပါတယ်။ ပါကစ္စတန်၊ ဘင်္ဂလားဒေ့ရ်ှအပါအ၀င် အစ္စလာမ်မစ်နိုင်ငံအများစုဟာ သွလာက်သုံးကြိမ်ရွတ်ဆိုမှုကို တားမြစ်ထားပေမယ့် ဒီအလေ့အထဟာ အိန္ဒိယမှာဆက်လက်ရှိနေခဲ့တာဖြစ်ပါတယ်။ အိန္ဒိယမှာနိုင်ငံသားတိုင်းအတွက် လက်ထပ်မှုနဲ့ကွာရှင်းမှုတွေမှာ ရေရာတဲ့ဥပဒေသတ်မှတ်ချက်တွေမရှိပါဘူး။
အထူးတရားရုံးကတရားသူကြီး၅ယောက်မှာ ၃ယောက်က အငြင်းပွားဖွယ်ရာဒီအလေ့အထကို အစ္စလာမ့်နည်းကျမဟုတ်ဘူးလို့ခေါ်ဆိုသလို တစ်ဖက်သတ်ဆန်ပြီး အခြေခံဥပဒေထဲမှာလည်းမပါရှိဘူးလို့ခေါ်ဆိုလိုက်ပါတယ်။ တရားသူကြီးတစ်ဦးဖြစ်တဲ့ ကူရီယန်ဂျို့ရ်ှက “ဒီအလေ့အထဟာ အစ္စလာမ်ရဲ့အရေးပါတဲ့ အစိတ်အပိုင်းမဟုတ်သလို ကာကွယ်မှုလည်း မရှိဘူး”လို့ ဆိုပါတယ်။ “ဒါဟာတစ်ဖက်သတ်ဆန်တာပေါ်လွင်သလို အိမ်ထောင်တစ်ခုကို ဖျက်သိမ်းဖို့အမျိုးသားတစ်ဦးကို ခွင့်ပြုထားသလိုဖြစ်နေတယ်”လို့ သူကဆက်လက်ပြောကြားခဲ့ပါတယ်။
တရားသူကြီးချုပ် ဂျေအက်စ်ခီဟာက မတူညီတဲ့ အမြင်ရှိနေပါတယ်။ ဒီပုဂ္ဂိုလ်ရေးဆိုင်ရာဥပဒေဟာ ဖွဲ့စည်းပုံအခြေခံဥပဒေ တရားရုံးက မထိနိုင်ဘူးလို့ဆိုပါတယ်။ ဒီအရေးပေါ်မှာ လွှတ်တော်က ဥပဒေရေးဆွဲဖို့ကိုလည်း အကြံပြုချက်တွေကိုလည်း ကန့်ကွက်ချက်တွေရှိနေပါတယ်။ ဒါပေမယ့်ဒါဟာ ဆက်နွယ်မှုဖြစ်စေမှာမဟုတ်ပဲ လွှတ်တော်အပေါ်မှာပဲမူတည်နေပါတယ်။ ဟိန္နူအမျိုးသားရေးပါတီ (BJP) ဦးဆောင်တဲ့ အိန္ဒိယအစိုးရက ဒီအလေ့အထကို ပိတ်ပင်မှုအပေါ်ထောက်ခံလိုက်ပါတယ်။ ၀န်ကြီးချုပ်မိုဒီက ဒီအရေးကိုသြဂုတ်လ၁၅ရက် လွတ်လပ်ရေးနေ့မိန့်ခွန်းမှာ အပါအ၀င် အကြိမ်အတော်များများ ထည့်သွင်းပြောဆိုမှုတွေရှိခဲ့ပါတယ်။
ဒီဆုံးဖြတ်ချက်ဟာ မွတ်စလင်အမျိုးသမီးတွေအတွက် ကြီးမားတဲ့အောင်မြင်မှုပဲဖြစ်ပါတယ်။ ဆယ်စုနှစ်ပေါင်းများစွာ သူတို့တွေဟာ သူတို့ခေါင်းပေါ်မှာဓားဝဲနေသလို ကွာရှင်းခြိမ်းခြောက်မှုတွေနဲ့ နေထိုင်နေခဲ့ရတာဖြစ်ပါတယ်။ တက်ကြွလှုပ်ရှားသူတွေက နှစ်ပေါင်းများစွာထောင်နဲ့ချီတဲ့ အမျိုးသမီးတွေ အထူးသဖြင့် ဆင်းရဲတဲ့မိသားစုကလူတွေဟာ ဒီအလေ့အထကြောင့်သူတို့ရဲ့အမျိုးသားတွေရဲ့စွန့်ပစ်မှုကို ခံခဲ့ရတာဖြစ်ပါတယ်။ အများစုဟာခိုကိုးရာမဲ့ပြီး ဘယ်သွားရမှန်းမသိသလို သူတို့ရဲ့မိဘအိမ်တွေဆီပြန်သွားဖို့ ဖိအားပေးခံရပြီး ကိုယ့်ဝမ်းကိုယ်ကျောင်းရတဲ့အခြေအနေတွေရောက်ခဲ့ရပါတယ်။
ထိတ်တန်းတရားရုံးက မွတ်စလင်ဘာသာရေးဆရာတွေဆီပြင်းထန်တဲ့စာပေးပို့ခဲ့ပါတယ်။ အိန္ဒိယရဲ့မွတ်စလင်ပုဂ္ဂိုလ်ရေးဥပဒေဘုတ်အဖွဲ့က “ဒီအလေ့အထဟာ ရှုတ်ချပြစ်တင်ထိုက်တယ်လို့ဆိုပါတယ်။ ဒါပေမယ့်လည်း တရားရုံးတွေနဲ့အစိုးရက ၀င်ရောက်စွက်ဖက်ရမဲ့အရေး မဟုတ်ဘူး”လို့ပြောကြားခဲ့ပါတယ်။ တရားသူကြီးအဖွဲ့ဟာ မွတ်စလင်အမျိုးသမီးတွေနဲ့ အမျိုးသမီးအခွင့်အရေးအတွက် ကျယ်ကျယ်ပြန့်ပြန့်ဂုဏ်ပြုမှုတွေရရှိခဲ့ပါတယ်။ “သမိုင်းဝင်ဖြစ်ရပ်”လို့ ၀န်ကြီးချုပ်က ဂုဏ်ပြုလိုက်ပါတယ်။
အဓိကတောင်းဆိုသူတွေထဲက တစ်ယောက်ဖြစ်တဲ့ ရှာယာရာဘာနိုက “ကျွန်မမိဘတွေကွဲသွားချိန်မှာ နာကျင်စွာခံစားခဲ့ရတယ်။ အနာဂတ်မှာလို အခြေအနေမျိုးဘယ်သူကိုမှ မကြုံစေချင်ဘူး” လို့ တင်းထောက်တွေကိုပြောကြားခဲ့ပါတယ်။ သွလာက်သုံးကြိမ်ရွတ်ဆိုမှုကိုဆန့်ကျင်တဲ့ Beebak collective ရဲ့တည်ထောင်သူ ဟာစီနာခန်းက တရားသူကြီးတွေသမိုင်း မှတ်တမ်းတင်ခံရပြီလို့ ခေါ်ဆိုလိုက်သလို “ကျွန်မတို့အရမ်းကိုပျော်ရွှင်မိပါတယ်။ မွတ်စလင်အမျိုးသမီးတွေဟာ ဒီအခက်အခဲကိုနှစ်ပေါင်းများစွာ ရင်ဆိုင်နေခဲ့ရတာပါ” လို့ဘီဘီစီသတင်းဌာနကိုပြောကြားခဲ့ပါတယ်။
ဒီအလေ့အထကိုဆန့်ကျင်တဲ့ တက်ကြွလှုပ်ရှားသူတစ်ဦးဖြစ်တဲ့ ဇာကီရာဆိုမန်က ဘာသာပေါင်းစုံက အိန္ဒိယအမျိုးသမီးတွေဟာ သူမတို့ကိုထောက်ခံခဲ့တယ်လို့ ဆိုပါတယ်။ “ဒါဟာ ကျွန်မတို့အတွက် သမိုင်းဝင်နေ့ပဲဖြစ်ပါတယ်။ ဒါပေမယ့်ဒီမှာတင်ရပ်သွားမှာတော့မဟုတ်ဘူး” လို့သူမကဆက်လက်ပြောကြားခဲ့ပါတယ်။
အိန္ဒိယမွတ်စလင်ပုဂ္ဂိုလ်ရေးရာဥပဒေဘုတ်အဖွဲ့ (AIMPLB) ကတော့ထိန်းထိန်းသိမ်းသိမ်း ဆိုလိုက်ပြီး တရားရုံးဟာဒီအရေးပေါ်မှာဆုံးဖြတ်ပိုင်ခွင့် မရှိသလို တရားဝင်ထုတ်ပြန်ချက်လည်း ထွက်ပေါ်လာခြင်း မရှိဘူးလို့ ဆိုပါတယ်။ ဒါပေမယ့်ဘယ်လိုတုံ့ပြန်သင့်လဲဆိုတာဆုံးဖြတ်ဖို့ သူကအစည်းအဝေးပြုလုပ်ခဲ့တယ်လို့ အိန္ဒိယသတင်းစာ The Hindu ကဖော်ပြခဲ့ပါတယ်။ ဒါပေမယ့်အိန္ဒိယမွတ်စလင်အမျိုးသမီးပုဂ္ဂိုလ်ရေးရာဥပဒေဘုတ်အဖွဲ့ (AIWPB) ကတော့ AIMPLB ရဲ့ရပ်တည်ချက်ကိုဆန့်ကျင်ကန့်ကွက်လိုက်ပြီး “တရားသူကြီးတွေရဲ့ဆုံးဖြတ်ချက်ဟာ ဒီထက်ပိုကောင်းတာမရှိတော့ဘူး”လို့ချီးကျူးလိုက်ပါတယ်။
“မွတ်စလင်မိသားစုတွေရဲ့အနေအထားတစ်ခုလုံးကိုပြောင်းလဲနိုင်မှာဖြစ်သလို ဒါဟာအမျိုးသမီးတွေကိုတင်မကပါဘူး ကလေးငယ်တွေအတွက်ပါ ကာကွယ်မှုရရှိခဲ့တဲ့ပင်မအကြောင်းအရာပဲ ဖြစ်ပါတယ်။ ကလေးငယ်တွေကာကွယ်မှုရရှိမှာကြောင့် မိသားစုဘ၀တွေလည်းပိုမိုတည်ငြိမ်သွားမှာဖြစ်ပါတယ်” လို့အဖွဲ့ရဲ့ရှေ့နေတစ်ဦးဖြစ်သူ ခန်ဒရာရာဂျန်ကဆိုပါတယ်။
မူရင်း – BBC
ဘာသာပြန် – ညောင်နီရွက်
ဓာတ်ပုံ၊ Altaf Qadri/AP